Home / இன்றைய செய்திகள் / உசேன் போல்ட் இல்லை – தங்கம் வென்றார் பெய்லி!!

உசேன் போல்ட் இல்லை – தங்கம் வென்றார் பெய்லி!!

1440637947gold2கொமன்வெல்த் விளையாட்டு போட்டியில் அனைவராலும் எதிர்பார்க்கப்பட்ட 100 மீட்டர் அதிவேக ஓட்டபந்தய இறுதிப்போட்டி நேற்று இரவு நடந்தது.

இதில் உலகின் அதிவேக வீரர் உசேன் போல்டு (ஜமைக்கா) பங்கேற்க வில்லை. ஆனால் இறுதிப் போட்டியில் 3 ஜமைக்கா வீரர்கள் தகுதி பெற்று இருந்தனர். மொத்தம் 8 பேர் தகுதி பெற்ற இறுதிப் போட்டியை காண ரசிகர்கள் ஆவலுடன் இருந்தனர்.

ஓட்டத்தை ஆரம்பித்ததும் 8 பேரும் மின்னல் வேகத்தில் ஓடினர். இதில் ஜமைக்கா வீரர் கெமர் பெய்லி கோல் தங்கம் வென்றார். அவர் 100 மீட்டர் இலக்கை 10 வினாடியில் கடந்தார்.

வெள்ளி பதக்கத்தை இங்கிலாந்தின் ஜெமிலி (10.10 வினாடி) கைப்பற்றினார். மற்றொரு ஜமைக்கா வீரர் அஸ்மேக்டே (10.12 வினாடி) வெண்கல பதக்கத்தை வென்றார். தங்கம் வென்ற கெமர் பெய்லி கோல் 2012 லண்டன் ஒலிம்பிக் போட்டியில் 4ஜ்400 ஓட்ட பந்தயத்தில் தங்கம் பதக்கம் வென்றவர்.

பெண்களுக்கான 100 மீட்டர் ஓட்டப்பந்தயமும் நேற்று இரவு நடந்தது. இதில் நைஜீரியா வீராங்கனை ஒக்பரே தங்கம் வென்றார். அவர் 10.85 வினாடியில் இலக்கை கடந்தார். வெள்ளி பதக்கத்தை ஜமைக்காவின் கேம்பல் பிரஷன் (11.03 வினாடி) கைப்பற்றினார்.

மற்றொரு ஜமைக்கா வீராங்கனையான ஸ்டூவர்ப் வெண்கல பதக்கத்தை வென்றார். அவர் 11.07 வினாடியில் இலக்கை கடந்தார்.

Leave a Reply

Your email address will not be published. Required fields are marked *

%d bloggers like this: